Watch live video from Soccerpaper TV on Justin.tv

ماذا تفعل اذا لم تدر سيارتك صباحا

بسم الله الرحمن الرحيم

انا قولت اما اكتب الموضوع دة عشان نستفيد منوا جميعا فسالت نفسى اية اكتر حاجة مهمة فى السيارة قولت اة لما السيارة بتوقف منك ومبتمشيش ولو فى وقت حرج فقولت اما أتكلم من خبرتى ليكوا شوية عشان منطولش

فى خطوات بالترتيب كدة لازم تعملها لو العربية مادرتش الصبح او فى اى وقت جاى تدورها فية

أولا : أتأكد ان كهربة العربية مظبوطة ودة عن طريق :
- 1البطارية .

2 - انزع سلك الاسبراتير الوسطانى اللى جاى من البوبينة وشوف الشرارة بتطلع من السلك عند تدوير المارش على اى حتة حديد فى جسم العربية.

- 3لو اللى فوق تمام شوف البوجيهات عن طريق نزع سلوك البوجيهات وبردوا تشوف الشراراة لو وجدت اى سلك مابيديش شرارة يبقى اكيد العيب فى السلوك فى البوجيهات ودى الحل انك تقوم بتغييرها.


- 4لو كل اللى فوق دة تمام يبقى لسا باقيلنا حاجة بسيطة اوى فى الكهربا وهى غطى الاسبراتير أتأكد انوا مفيهوش شروخ من جوا.



5 - لو كل اللى فوق دة تمام وانا معتقدش لان أكيد هيبقى فية عيب لان نسبة كبيرة من الاعطال بتبقى بسبب الكهرباء .


ثانيا : الكربراتير :


1 - تأكد من وصول البنزين للكربراتير


2 - اتاكد ان الفلتر البنزين شغال ومش مسدود ولو مسدود غيروا


3 - ممكن تكون العربية شرقانة ولو شرقانة ممكن تفك العمة وتجيب شوية بنزين وتصبهم فى الكربراتير فى الباب اللى فية فتحة الشفاط وتشد سلك البنزين على الاخر وتجرب تدور .

وانشاء الله لينا عودة وتكملة لهذا الموضوع .

بروتون والسيارة الكهربائية الجديدة

دمجت شركة "ديترويت اليكتريك " نظام القيادة الكهربية التابع لها فى السيارة بروتون الماليزية الصنع بفئتيها الهاتشباك والسيدان .
ومن المقرر اصلاق السيارة فى الاسواق الاوروبية وأسيا فى فبراير من العام 2010 ثم الولايات المتحدة الأمريكية بعد 3 الى 6 شهور .
وستكون السيارة الجديدة على نفس شكل السيارة السيدان والهاتشباك من بروتون ولكن مع اختلاف بسيط فى الشكل الخارجى لتمييز هذة السيارة عن بروتون .
و ستسير السيارة الكهربائية الجديدة ببطارية ليثيوم أيون التي تولد طاقة لها نفس القوة التي ينتجها البنزين.
وسيكون سعر سيارات بروتون الكهربائية في الولايات المتحدة 23000 دولار و 000 25دولار ، ويمكن لتلك السيارة قطع مسافة 180 كلم قبل أن ينفذ شحن البطارية، أما السيارة الثانية فتستطيع قطع 320 كلم ، و سيتراوح سعرها بين000 29 دولار و000 33 دولار.

اسعار السيارات المستعملة فى سوق الجمعة 3/4/2009

دى اغلب اسعار السيارات فى السوق المستعمل بس قبل ماازكر الاسعار احب اعقب عن حاجة فى السوق دة اولا السوق دة اغلبة تجار والعربيات اللى تحت 2000 اغلبها عربيات فى حالة الضياع هى شكل حلو ولكن من برة هلا هلا ومن جوة يعلم الله البرومة وكلاها والمكنة منيلة بس دا ميمنعش ان فى حلو بردو ولا كن من النادر اما فوق ال 2000 ففى كدة وكدة وخاصة اللى قريب قوى يعنى من 2009 بيكون اغلبهم حالتهم نظيفة اما بالنسبة للاسعار
اولا الهيونداى
اكسنت اللى نظيف فعلا وحالتها قايمة عاملة من 38 الى 40 وانت طالع حسب الموديل والكامليات اما اللى حالتها واقعة فعاملة 33 الى 35 يعنى فى المتوسط حسب المصاريف
بالنسبة للاكسل مش عارف اسعار غريبة بسمعها 35 و 36 و38 مش عارف اية السبب
ثانيا : اللانسر هنتكلم فى رنج ال المكوة حوالى النظيف طبعا 68 الى حاجة و70
اما البومة فابتعد 80 وانت طالع حسب الحالة طبعا
الكريستالة بقا full options 51 او 52 بكتير اوى واللى يقولك غير كدة يبقى لسة عايش فى الاحلام

السويفت مش عارف مبشوفهاش كتير هناك لية وان حصلت صدفة وشفت بتبقى حالتها اغلبها طبعا زبالة زى مقولت ومش كدة وبس وتلاقى سعر شبة الحالة كدة

ال 128 واحدة 128 موديل 86 متباعة ب 19 الف جنية وصاحبها مرداش ينزل ل 18.5 حتى بالنسبة لل 90 فهى حوالى 20 او 22 حسب الحالة بردو

التيوتا اسعارها بردوا معقولة فى 75 وانت طالع لحد 100 حسب الموديل طبعا والحالة والكماليات

وزى مقولت فى الاول سوق مصر او سوق العاشر زى متحب تقول هو سوق تجار او الاغلب تجار واللى عاوز يبيع بسعر اللى فى دماغة عمرة ماهيبيع
واغلب العربيات اللى ممكن تشتريها من هناك عشان تبقى مضمونة هى الجديدة اما اللى فى 90 فاغلبوا مضروب الا النادر زى مقولت قبل كدة وخاصة نمر القاهرة والجيزة العربية بتبقى مهلوكة اوى لانها بتجرى كتير
واتمنى اشوف ردرو لانى والله كتابتة وانا تعبان جدا واللى عايز اى استفسار انا تحت امرة

أزمة البنزين فى مصر

صرح احمد عز رئيس لجنة الخطة والموازنة بمجلس الشعب انهو ليس من المتوقع رفع اسعار البنزين

وقد اشارت تقارير صحفية يوم الخميس انة حدث اجتماع بين احمد عز ورئيس قطاع البترول لمناقشة مسألة زيادة سعر

البنزين واشارت ايضا التقارير انة من المقرر الاتجاة الى زيادة اسعار البنزين 90,92,95 وايضا بنزين الغلابة

80 لان ياعينى مصر عندها نقص فى الايرادات لانها بتصرف 23 مليار جنية على المواد البترولية برغم ان سعر البرميل

انخفض الى حوالى 40 دولار من 140 دولار شوفت احنا غلابة ازاى راعوا ياجماعة ظروف الحكومة بردو .

مستنيين التعليقات

اختبارات mazda 3

وانتظروا دائما كل جديد

new mazda 3 2009

BMW M3 stock wallpapers

BMW M3 wallpapers & pics

BMW M3 free stock images

2009 BMW M3 Coupe

كيف يمكن خفض استهلاك الوقود السيارة

نظام بوش للوقف والتشغيل الآليين للمحرك.

من ابسط وسائل خفض إستهلاك الوقود والإنبعاثات الملوّثة، وقف المحرك كلما توقفت السيارة، ولو موقتاً، حتى عند إشارة المرور الحمراء مثلاً أو في الإزدحامات، ثم تشغيله قبيل التقدم من جديد.

لكن من سيهوى "لعبة" كهذه... إلا إذا تولت السيارة ذاتها الأمر، أوتوماتيكياً!

تلك هي ركيزة تقنية الوقف والتشغيل الأوتوماتيكيين للمحرك start/stop، وهي التي بدأت في الثمانينات أولاً (لدى فولكسفاغن)، لكنها لم تصبح مقنعة قبل إطلاقها في موديلي سيتروين سي Citroën C3 وسي C3 الصغيرين منذ 2004 (إنتاج شركة فاليو Valeo الفرنسية)، لتبلغ اليوم مرحلة إنتشار تخفض الكلفة مع تزايد الإقبال عليها (ولو لم تكن مكلفة جداً في الأساس)، خصوصاً بعد فورة أسعار النفط التي لم تتراجع إلا منذ أشهر قليلة.

ومع إنتشار التقنية أيضاً (منذ 2007) لدى بوش Bosch الألمانية في عدد من موديلات ماركات بي إم دبليو BMW الألمانية وميني Mini الإنكليزية (تملكها بي إم دبليو) وكيا Kia الكورية الجنوبية (تابعة لهايونداي Hyundai الكورية الجنوبية أيضاً)، ها هي فيات Fiat الإيطالية تنضم الى زبائن بوش لإقتراح التقنية التي يقدّر توفيرها العام للبنزين بمعدل عام يصل الى خمسة في المئة (حتى ثمانية في المئة في الإزدحامات)، إضافة طبعاً الى الخفض الموازي لنسبة الإنبعاثات الملوّثة.

فيات 500 تنضم الى قائمة الموديلات الراغبة بخفض إستهلاكها أكثر وأكثر.

ومع بلوغ مبيعات بوش وحدها أكثر من نصف مليون وحدة من تقنية الوقف والتشغيل الأوتوماتيكيين للمحرك، منذ بدء إنتاجها لها قبل عامين، تتوقع بوش نمو الطلب عليها حتى نحو نصف مبيعات السيارات الجديدة في أوروبا بحلول العام 2012، مقارنة بنحو خمسة في المئة في العام الماضي.

وبعد إنضمام موديل فيات Fiat 500 الصغير الى قائمة الموديلات المقترحة مع التقنية الحديثة، ستوفر بوش التقنية ذاتها أيضاً في موديل كيا سي إي دي Kia cee'd المتوسط الصغير الحجم C segment, lower medium, compact، والذي يتمتع في بعض دول أوروبا (مثل فرنسا) بكفالة عامة لسبع سنوات أو 150 ألف كلم (تنتقل الكفالة عند بيع السيارة).

وفي موديل فيات 500، توفر بوش تقنية الوقف والتشغيل الآليين للمحرك ضمن مجموعة تشمل نظام إدارة وظائف المحرك engine control unit وجهاز رصد للبطارية والمبدئ starter الذي يطلق دوران المحرك كهربائياً أولاً، مع تعديل الأخير لتحمّل زيادة عمله بطبيعة الحال.

كيا سي إي دي المدمجة تنال نظام آي إس جي ISG للوقف والتشغيل الآليين للمحرك.

وتشير بوش الى أن التقنية التي يمكن أن تصل نسبة توفيرها للوقود الى ثمانية في المئة في الإزدحامات، توقف المحرك أوتوماتيكياً عند توقف السيارة عند الإشارة مثلاً، ثم تشغّله فور الضغط على دواسة التعشيق (في السيارات المجهزة علب تروس يدوية مثلاً). وبما أن التقنية الجديدة لا تتطلب أكثر من تكييف لأنظمة معتمدة منذ عقود من السنوات، تبقى الكلفة معقولة جداً قياساً بفوائدها، إضافة الى صلاحيتها أيضاً لتشغيل محركات الديزل حتى وهي باردة (محركات الديزل تفوق نصف مبيعات السيارات في عدد من أسواق أوروبا).

وفي فيات Fiat 500، سيتوافر نظام بوش للوقف والتشغيل الأوتوماتيكيين للمحرك أولاً في الفئات المجهزة علبة تروس دوالوجيك Dualogic اليدوية المؤتمتة robotised (يدوية لكنها تشغّل كالأوتوماتيكية من دون دواسة تعشيق، وتتوافر في موديلات أخرى لدى فيات)، ومع محرك الـ1.2 ليتر أولاً. إلا أن التقنية ستقترح في موديلات أخرى لدى الماركة الإيطالية خلال العام الحالي.

ويذكر أن تكرار وقف المحرك وتشغيله لتوفير الوقود وخفض التلوث، تطلّب تعديلات لا تتوقف عند الجوانب الميكاتروينة mechatronics للوقف والتشغيل الأوتوماتيكيين، بل شملت تمتينات أخرى أهمها إطالة عمر وحدة بدء تشغيل المحرك starter وخفض مستوى ضجيجها وزيادة قوة جهاز التشغيل الكهربائي، كما توفر بوش معها البرمجة الإلكترونية لتحديد الشروط اللازم توافرها والمهلة المحددة لوقف المحرك ثم إعادة تشغيله في كل مرة، إضافة الى جهاز قياس الطاقة المخزنة في البطارية مع نقل تلك المعلومات بإستمرار الى نظام التحكم بوظائف المحرك وبتقنية الوقف والتشغيل الأوتوماتيكيين.

وتنسّق التقنية وظيفتها مع أجهزة رصد أخرى لشرعة العجلات ولضعية كل من العمود المرفقي ودواسات القيادة، علماً بأن المجموعة تشمل بطبيعة الحال نظاماً كهربائياً أكثر تحملاً لتكرار عمليات الوقف والتشغيل في القيادة اليومية.

متنسوش التعليقات مهمة عشان المواضيع واللى عايز اى موضوع يقولى .